Ավելին
Հրուշակագործությունը կարելի է համարել արվեստի յուրահատուկ ճյուղ, որում հմտանալու համար անհրաժեշտ է ժամանակ, ջանքեր և ռեսուրսներ։ Սակայն մասնագետների խորհուրդները կօգնեն ի սկզբանե մշակել զարգացման ճիշտ ուղի և ձեռք բերել անհրաժեշտ հմտություններ։ Խորհուրդների առաջին մասը կարող եք ընթերցել հղումով, իսկ այժմ շարունակենք։
1․Ձեռք բերեք որակյալ հիմնական սարքավորումներ:
Տնային տարբերակները (օրինակ՝ հրուշակեղենի տոպրակի փոխարեն անցք ունեցող տոպրակ) չեն նպաստի ձեր արտադրողականությանը և աշխատանքի բարձր որակին: Եվ պետք է խոստովանեք, որ հաճելի է աշխատել գեղեցիկ և որակյալ գործիքներով:
2․ Միշտ օգտագործեք որակյալ հումք
Ինչքան էլ պրոֆեսիոնալ լինի հրուշակագործը, որքան էլ վիրտուոզ լինի նրա աշխատանքը, դեսերտը համեղ կլինի միայն այն դեպքում, երբ օգտագործվեն բարձրորակ և թարմ բաղադրիչներ։ Հակառակ դեպքում, դուք միայն կձախողեք: Երբեք չպետք է խնայել ձեր հաճախորդների վրա, սիրեք նրանց, և դա ձեզ հարյուրապատիկ կվերադառնա:
3․ Սովորեք աշխատել մաստիկով.
Այո, մաստիկով աշխատելը հեշտ չէ։ Այո, դա շատ ջանք ու ժամանակ է պահանջում, բայց դա ձեզ պետք է: Չէ՞ որ հենց մաստիկան է երևակայություն հաղորդում և յուրաքանչյուր տորթ դարձնում առանձնահատուկ: Բայց մի թերագնահատեք կրեմը, այս ձևով զարդարված տորթերն առանձնանում են նրբությամբ և թեթևությամբ։
4․ Դեկորում մի օգտագործեք բաղադրիչներ, որոնք ներառված չեն հենց աղանդերի մեջ:
Սա հրուշակագործի ոսկե կանոնն է. ոչ մի դեպքում տորթերի մեջ բալով միջում մի պատրաստեք, այնուհետև տորթը զարդարեք ելակով։
5․ Մի ծանրաբեռնեք
Խմորը բետոնի նման պինդ չէ, որ կարողանա մի քանի կիլոգրամ զարդարանք պահել։ Շատ ծանրաբեռնելու դեպքում տորթը կարող է ուղղակի փլուզվել։ Իսկ ժամանակակից դիզայներական միտումները տանում են դեպի մինիմալիզմ, այսինքն չափից շատ և տարբեր դետալների համադրությունն այլևս ակտուալ չէ։
6․ Մի վախեցեք փորձարկումներից և սխալներից:
Լեգենդ կա, որ Կիևյան տորթը ստացվել է գործարանի հրուշակագործների սխալի արդյունքում։ Երբ նոր ես սկսում, հրաշալի է, որ սխալվում ես։ Դու սովորում ես դրանցից, ինչը նշանակում է, որ փորձ ես ձեռք բերում։
Անընդհատ սովորել, կարդալ, մասնակցել վարպետության դասերի։ Փնտրեք ձեր հեղինակին, ձեր հրուշակագործին, ում գործերը ոչ միայն հաճելի է կարդալ, այլև օգտակար: Մյուսներից օրինակներ վերցնելուց զատ՝ երբեք չմոռանաք, որ շատ կարևոր է ինքնատիպությունը։ Համացանցում կգտնեք միլիոնավոր գեղեցիկ տորթեր, որոնք իրենց հմայքով չեն զիջում մյուսներին, սակայն կարևոր է սեփական հնարքներն ունենալը, որը ձեր աշխատանքները կդարձնի տարբերվող և յուրահատուկ։
Դե ինչ, շարունակեք հետևել Վանիլլայի բլոգին, ինչպես նաև ընթերցեք <<Ամառային թարմ ու թեթև դեսերտ>> բլոգը։
