top
Սան Սեբաստիան․ ամենահայտնի չիզքեյքի բաղադրատոմսը

Սան Սեբաստիան․ ամենահայտնի չիզքեյքի բաղադրատոմսը

Եվրոպայի լավագույն սրճարաններում ամենապահանջված թխվածքներից մեկը Սան Սեբաստիան չիզքեյքն է։ Այն ստեղծվել  է Սան Սեբաստիանի (Բասկերի երկիր, Իսպանիա) աշխարհահռչակ La Viña ռեստորանում: Ի տարբերություն ամերիկյան տեսակների՝ բասկյան չիզքեյքը խմորային հիմք չունի, ավելին՝ այն ընդհանրապես հիմք չունի: Դա նյույորքյան չիզքեյքի և ֆրանսիական ֆլանի խառնուրդն է: Դա աստվածային բան է․ անսահման նուրբ կաթնաշոռային քաղցրավենիք, որը հալչում է բերանում։ Եվ ամենալավն այն է, որ այն շատ հեշտ է պատրաստել տանը: Վանիլլայի այսօրվա բլոգում ձեզ ենք ներկայացնում Սան Սեբաստիանի ամենահեշտ բաղադրատոմսը։

Բաղադրիչներ՝

կաթնաշոռային պանիր - 545գ

շաքարավազ - 145գ

եգիպտացորենի օսլա - 25գ

ձու - 4 հատ

կիտրոնի հյութ - 15գ

սերուցք  33% - 345գ

թխելու համար շրջանաձև բացվող կաղապար՝ 18 սմ տրամագծով։

 

Պատրաստման եղանակը

Բոլոր բաղադրիչները պետք է լինեն սենյակային ջերմաստիճանի։ Ջեռոցը տաքացնել մինչև 240°C։ Հարիչով կաթնաշոռային պանիրը և շաքարավազը հարեք ցածր արագությամբ: Ընթացքում աստիճանաբար ավելացրեք եգիպտացորենի օսլան: Ապա հատ առ հատ ավելացրեք ձվերը՝ ամեն անգամ մանրակրկիտ խառնելով։ Ավելացրեք կիտրոնի հյութը, ապա՝ սերուցքային կրեմը։ Պետք է ստանանք ոչ պինդ զանգված։

Կաղապարը պատեք յուղաթղթով, որը պետք է մոտ 5 սմ բարձր լինի կաղապարի պատերից, քանի որ թխելու ժամանակ չիզքեյքը  շատ կբարձրանա։ Կաթնաշոռային զանգվածը լցրեք կաղապարի մեջ, այնուհետև մի փոքր թակեք կաղապարը սեղանի վրա, որպեսզի բոլոր օդային պղպջակները դուրս գան մակերես: Ապա դրանք պայթեցրեք, որպեսզի մակերևույթը ամբողջովին հարթ լինի։

Թխել 240°C տաքացրած ջեռոցում 27-30 րոպե։ Եթե ​​ցանկանում եք, որ ավելի սերուցքային ստացվի, ապա թխեք 27 րոպե, իսկ եթե ցանկանում եք ավելի խիտ՝ 30 րոպե: Սան Սեբաստիան չիզքեյքի մակերեսը պետք է լինի կարամելի գույնի, իսկ որոշ տեղերում՝ նույնիսկ գրեթե սև։ Թխելու ընթացքում այն ​​շատ կբարձրանա, բայց հետո կիջնի։ Թարմ թխած չիզքեյքը դոնդողի պես դողում է, թողեք սառչի և կայունանա սենյակային ջերմաստիճանում մոտ 4 ժամ։ Մատուցելիս կարող եք ավելացնել հալած շոկոլադ կամ ջնարակ՝ ըստ ճաշակի։

Ամենահայտնի չիզքեյքը որքան համեղ, այդքան էլ հեշտ է։ Պատրաստեք ինքներդ և հիացրեք ձեր հարազատներին։ Վանիլլայի բլոգում ձեզ են սպասում ամենահետաքրքիր հոդվածները հրուշակեղենի աշխարհից և ամենահեշտ բաղադրատոմսերը։ Մնացե՛ք մեզ հետ, ինչպես նաև ընթերցեք «Կարամելի տեսակները» բլոգը։

Ավելին

Ավելին
Ավելին
Ամառային թարմ ու թեթև դեսերտ

Ամառային թարմ ու թեթ..

Ամռանը քաղցրավենիք պատրաստելիս պետք է հիշել մի քան..

Ավելին
Արագ և հեշտ դեղձով կարկանդակ (պիրոգ)

Արագ և հեշտ դեղձով կ..

Խորը աշնանային ռոմանտիկ եղանակն ավելի հաճելի է դառ..

Ավելին
Ամենահայտնի տորթերը ողջ աշխարհում (Մաս 2)

Ամենահայտնի տորթերը..

Աշխարհի ամենահայտնի ու սիրված տորթերի մասին մենք ա..

Ավելին