Ավելին
Սան Սեբաստիան․ ամենահայտնի չիզքեյքի բաղադրատոմսը
Եվրոպայի լավագույն սրճարաններում ամենապահանջված թխ..
Ավելին
Ամառը տարվա կատարյալ ժամանակն է ողջ ընտանիքի հետ խնջույք կազմակերպելու և կարևոր առիթներն անցկացնելու համար: Դա կարող է լինել երեխայի ծննդյան տարեդարձի խնջույք, նշանադրություն կամ նույնիսկ կորպորատիվ խնջույք։ Սակայն, անկախ առիթի էությունից, տորթը չափազանց կարևոր տարր է, որի ընտրությունն էլ հաճախ բավականին բարդ է լինում։
Vanilla-ի հերթական բլոգում ներկայացնում ենք թոփ 5 տորթեր, որոնք իդեալական կներգրավվեն ամառային առիթներին։
1. Էստերհազի տորթ
Նրբագեղ դասական տորթ՝ պատրաստված նշի ալյուրով բիսկվիթից, որն առատորեն լրացվում է նուրբ վանիլակարագային կրեմով և զարդարվում մանրացված ընկույզով ու նուշով: Էսթերհազին լայն տարածված է Հունգարիայում, Ավստրիայում և Գերմանիայում: Այն անվանվել է հունգարացի դիվանագետ արքայազն Պալ Անտալ Էստերհազիի պատվին՝ 1848–1849 թվականների հեղափոխության ժամանակ։
Սա հիանալի է ամառային առիթների համար, քանի որ չափազանց նուրբ է ու թեթև։ Մեր հրուշակագործների կողմից պատրաստված այս տորթը հաստատ կգրավի ձեր բոլոր հյուրերի սրտերը։
Երբ անցյալ դարի 60-ականներին ողջ աշխարհում տարածվեց առողջ սնվելու միտումը, հրուշակագործներն արագ արձագանքեցին դրան՝ սրճարաններին և ռեստորաններին գազարով տորթ առաջարկելով: Այն ունի թեթև և հյութեղ բիսկվիթ՝ նման կեքսերի խմորի տեքստուրային։ Գազարի շնորհիվ նման տորթի կալորիականությունը շատ ավելի ցածր է, ինչն էլ այն հիասքանչ է դարձնում ամառային առթիների համար։
Դե էլ ի՞նչ ամառ առանց հատապտուղների։ Ամռան բարիքներից օգտվելու լավագույն տարբերակը դրանք տորթերում ներառելն է։ Հատապտղային միջուկը կատարյալ է տորթերի համար․ ամռանը ծանր և բարձր կալորիականությամբ տորթերն ուտելը այդքան էլ հեշտ գործ չէ։ Կարող եք հոգ տանել ձեր օրգանիզմի մասին՝ նախընտրությունը տալով ավելի թեթև տորթերին, ինչպիսին է Vanilla-ի հատապտղային միջուկով տորթը։
Շոկոլադե բիսկվիթ, կրեմ-պլոմբիր և շոկոլադե ջնարակ։ Կարո՞ղ եք պատկերացնել առավել իդեալական համադրություն։ Վստահ ենք սա կգնահատեն ձեր բոլոր հյուրերը, քանի որ տորթի յուրաքանչյուր բաղադրիչ լրացնում է մեկը մյուսին՝ ստեղծելով հիասքանչ համ։ Չնայած կրեմի առատությանը՝ տորթը բավականին թեթև է և հաճելի ամռանը վայելելու համար․ կրեմ-պլոմբիրն իր համով հիշեցնում է պաղպաղակ պլոմբիրը, հետևաբար այն շատերին դուր կգա։
5. Հատապտղային պրոֆիտրոլ տորթ
Հատապտղային պրոֆիտրոլ տորթը զարմանալի է բոլոր առումներով: Արտաքին տեսքը, համը, տպավորությունը, որ թողնում է տորթը հյուրերի վրա, և նրանց հաճույքը այն համտեսելուց հետո, այս ամենը կարելի է սահմանել մեկ բառով՝ շքեղություն: Եվ զարմանալի չէ. նրբագեղ պրոֆիտրոլներով պատրաստված տորթը՝ զարդարված հատապտուղներով . ո՞վ կարող է դիմակայել նման գայթակղությանը:
Եթե ցանկանում եք պատվիրել տորթերից որևէ մեկը, կարող եք կապ հաստատել մեզ հետ՝ անմոռանալի դարձնելու ձեր տոնակատարությունը։ Թող ձեր երևակայությունը սահմաններ չճանաչի, և մենք կձգտենք ստեղծել տորթ ցանկացած առիթի համար, որը կյանքի կկոչի ձեր պատկերացումներն ու ցանկությունները։
