Ավելին
Տորթերը հատուկ տեղ են զբաղեցնում բոլոր քաղցրասերների սրտերում: Դրանց աննկարագրելի համը ստիպում է յուրաքանչյուր տոնակատարություն՝ ծննդյան տարեդարձից մինչև հարսանիք, ավելի յուրահատուկ դարձնել։ Շատերը հաճախ փորձում են տանը թխել իրենց երազանքների տորթերը, ցավոք հաճախ այդ փորձերն ավարտվում են հիասթափությամբ։ Որպես փորձառու հրուշակագործների թիմ՝ Vanilla-ն կիսվում է մի քանի խորհուրդներով՝ համեղ տորթեր պատրաստելու և այդ նուրբ, փխրուն և բերանում հալչող քաղցրավենիքը ստանալու համար:
1. Նախապես տաքացրեք ջեռոցը
Ջեռոցը նախապես տաքացնելը տորթեր թխելու ժամանակ ամենակարևոր, բայց և հաճախ անտեսվող քայլերից մեկն է: Ջեռոցը նախապես չտաքացնելը կարող է հանգեցնել լուրջ խնդիրների, ինչպիսիք են բիսկվիթի անհավասար բարձրացումը, չոր եզրերը կամ բիսկվիթի չեփված կենտրոնները: Բավական ժամանակ տվեք ջեռոցին նախապես տաքանալու համար. ջեռոցներից շատերին անհրաժեշտ է 15-30 րոպե, որպեսզի հասնեն թխման սահմանված ջերմաստիճանին:
Միշտ մի քանի անգամ ստուգեք, թե արդյոք ջեռոցը դրված է բաղադրատոմսում նշված ջերմաստիճանի վրա։ Ջեռոցը պատշաճ տաքացնելու դեպքում դուք կարող եք վստահ լինել, որ ձեր տորթը հավասարաչափ կթխվի ծայրից կենտրոն և կստանաք տորթերին բնորոշ թեթև, նուրբ տեքստուրան։
2. Ընտրեք իդեալական թավա/ձևաման
Ձեր ընտրած տորթի ձևը ազդում է ձեր տոնական տորթի վերջնական ձևի։ Սխալ տեսակի և անորակ թիթեղի օգտագործումը կարող է հանգեցնել անհավասարաչափ թխման, այրված եզրերի և փշրվող շերտերի: Տորթի ձևամաններ ընտրելիս ընտրեք հարթ մետաղական կաղապարներ՝ առանց քերծվածքներ, ինչը հեշտացնում է բիսկվիթը ձևամանից հանելը, համոզվեք նաև, որ հետևում եք բաղադրատոմսին։ Օրինակ, բաղադրատոմսում կարող է նշվել ձևամանի հստակ չափս։
3. Հետևեք բաղադրիչների ջերմաստիճաններին
Տորթերի շատ բաղադրատոմսերում նշվում է, որ բաղադրիչները, ինչպիսիք են ձուն, կաթը, կարագը, պետք է լինեն սենյակային ջերմաստիճանում կամ սառնարանից նոր հանված։ Իդեալական արդյունքների համար կարևոր է ուշադիր հետևել այս պայմանների ապահովմանը: Օրինակ, եթե ձվերը տաքանալու համար ժամանակ է պահանջվում, դրանք թխելուց մեկ ժամ առաջ հանեք սառնարանից։ Նմանապես, սառեցրեք բաղադրիչները, որոնք պետք է սառը լինեն։
4. Զգուշությամբ խառնեք խմորը
Տորթի խմորը խառնելու ձևը կարող է ազդել տորթի վերջնական տեքստուրայի վրա։ Լավագույն արդյունքի համար սկսեք բոլոր չոր բաղադրիչները խառնելուց, ինչպիսիք են ալյուրը, կակաոն, փխրեցուցիչը, աղը և շաքարավազը։ Առանձին տարայի մեջ խառնեք թաց բաղադրիչները՝ ձուն, ձեթը և կաթը։ Այնուհետև դանդաղ լցրեք չոր բաղադրիչները թաց բաղադրիչների մեջ և շատ նրբորեն խառնեք խմորը՝ օգտագործելով սիլիկոնե կամ փայտե բահիկ։
Վերևից ներքև խառնելը նպաստում է բիսկվիթի բարձրացմանը և ստեղծում փխրուն տեքստուրա:
5. Թողեք, որ բիսկվիթն ամբողջությամբ սառչի
Կարող է չափազանց գայթակղիչ թվալ տորթը արագ ձևավորելը, սակայն սա մեծ սխալ է։ Ցանկացած ձևավորում սկսելուց առաջ տորթերի պատշաճ սառեցումը կարևոր է կատարյալ և հարթ ծածկույթ ստանալու համար:
Սրանք այն կարևոր կետերն են, որոնց շնորհիվ դուք կարող եք ստանալ կատարյալ տորթ, սակայն հաջորդ անգամ, երբ հատուկ առիթի համար ձեզ անհրաժեշտ կլինի տպավորիչ տորթ, խնայեք ձեր ժամանակը և այդ հարցը վստահեք Vanilla-ի պրոֆեսիոնալ թիմին՝ պատվիրելով ցանկացած դիզայնի և բարդության տորթ։ Տարիների փորձով՝ մենք ստեղծում ենք այնպիսի տորթեր, որոնք որքան գեղեցիկ են, այնքան էլ համեղ են:
