Վարսակով թխվածքաբլիթներ

Եթե թեյի կամ սուրճի հետ թեթև, հեշտ պատրաստվող համեղություն եք ցանկանում համտեսել՝ առանց ավելորդ կիլոգրամների մասին մածելու, վարսակով թխվածքաբլիթները լավագույն ընտրությունը կլինեն։ Եկե՛ք տեսնենք՝ ինչպես դրանք պատրաստել։

Մեզ անհրաժեշտ են՝

• կարագ - 80 գր
• շաքարավազ - 120 գր
• ալյուր - 170 գր
• վարսակի փաթիլներ (հերկուլես) - 70 գր
• վանիլային շաքար - 10 գր
• դարչին - 1/2 թ/գ
• սոդա - 1/2 թ/գ
• աղ - 1/3 թ/գ

Նախապատրաստեցի՞ք բաղադրիչները, ուրեմն անցնենք բուն պատրաստմանը։

1. Վարսակի փաթիլները բլենդերով հարում ենք։ Ստացվում է վարսակի ալյուր։
2. Վարսակի ալյուրն անցկացնում ենք մաղով։ Արդյունքում պետք է ստացվի 70 գր ալյուր։
3. Սպասում ենք՝ կարագը փափկի։ Փափկած կարագը տրորում ենք շաքարավազի ու վանիլային շաքարավազի հետ։
4. Ավելացնում ենք վարսակի փաթիլներից ստացված ալրային զանգվածն ու լավ խառնում ենք։
5. Ալյուրը, դարչինը, սոդան ու աղը խառնում ենք ու մաս-մաս ավելացնում ենք ստացված զանգվածին ու շարունակում ենք խառնել։ Այնուհետև ձեռքերով այն վերածում ենք խմորագնդի։
6. Խմորագնդից ստանում ենք 1 սմ հաստությամբ խմորաշերտ։
7. Բաժակի օգնությամբ ձևավորում ենք թխվածքաբլիթները՝ պարզապես բաժակի «բերանը» սեղմելով խմորաշերտին և ձևավորելով կլոր-կլոր բլիթներ։
8. Բլիթները դնում ենք յուղաթղթապատ ձևամանի մեջ՝ միմյանցից 1-2 սմ հեռավորության վրա։
9. Թխում ենք 10-12 րոպե 200 աստիճան տաքացրած ջեռոցում։

Կստացվեն մոտ 20 թխվածքաբլիթներ, որոնք կքաղցրացնեն Ձեր երեկոն։