Տորթի ձևավորման տեխնիկաներ

Յուրաքանչյուր հրուշակագործ պետք է ունենա տորթերի ձևավորման որոշակի տեխնիկա: Սա ճշմարիտ է՝ անկախ նրանից՝ դուք պատրաստում եք յոթ հարկանի տորթ-գլուխգործոց թե պարզապես ձեր փոքրիկների համար կեքսեր։ Ձևավորման տեխնիկան ձեզ կօգնի արագ կողմնորոշվել և նախապես պատկերացնել ապագա տորթի տեսքը։ Վանիլլայի բլոգում այսօր կներկայացնենք տորթի ձևավորման 7 տեխնիկա։

Տորթի ձևավորումը շատ հեշտ է հետևյալ տարբերակներով․

1. Սպաթուլայի միջոցով դիզայն

Ճիշտ այնպես, ինչպես սենյակը պահանջում է լավ ներկ, գեղեցիկ ինտերիեր դեկորի համար, այնպես էլ գեղեցիկ տորթի առաջին քայլը անթերի ջնարակն է: Ձեզ հարկավոր են համապատասխան գործիքներ և որոշակի պրակտիկա այս տեխնիկային տիրապետելու համար: Հրուշակեղենի սպաթուլան գլազուրը քսելու ամենադյուրին միջոցն է, անկախ նրանից՝ նպատակ եք դնում հարթ ծածկույթի թե ծավալուն ավարտի վրա:

 2. Հրուշակագործության պարկի միջոցով դիզայն

Եթե դուք առնչվում եք տորթերի ձևավորման հետ, ապա չեք կարողանա խուսափել պարկից: Ամեն ինչ՝ էլեգանտ հարսանեկան տորթերից մինչև զվարճալի ծննդյան տորթեր, հիմնված են այս դասական տեխնիկայի վրա: Նախքան սկսելը, ձեզ հարկավոր է տոպրակը լցնել կրեմով և ընտրել համապատասխան ծայրը: Քանի որ պարկերը լինում են տարբեր ձևի և չափերի, համոզվեք, որ ընտրել եք այն մեկը, որը թույլ կտա ստանալ ձեզ համար ցանկալի դիզայնը:

3. Մարցիպանով աշխատանք

Մարցիպանը ևս մեկ գործիք է, որը պետք է լինի ցանկացած հրուշակագործքի նյութերի պահոցում: Այս ճկուն, բայց կայուն նյութի հետ աշխատելուց հետո դուք կկարողանաք նոր ոճեր ավելացնել ձեր տորթերին: Մարցիպանի շնորհիվ կկարողանաք ստանալ տարբեր դիզայններ՝ մինիմալիստական, տարբեր պատկերներով, մարմիններով։

4. Ձեռքի նկարչություն

Երբ յուրացրել եք տարբեր տեխնիկաներ, ժամանակն է ձեր տորթերին մի քիչ նրբություն հաղորդել՝ սեփական նկարչությամբ: Ձեռքով նկարելը ներառում է սննդի գունանյութերի օգտագործումը տորթի մակերևույթի վրա ձևավորումներ նկարելու համար: Դեկորատորները կարող են օգտագործել այս տեխնիկան՝ ստեղծելու պարզ ձևեր, ինչպիսիք են կետերն ու գծերը կամ ամբողջական տեսարանները, որոնք մրցակցում են Վինսենթ վան Գոգի գործերի հետ:

5. Շաքարային աշխատանք

Չնայած շաքարի հետ աշխատանքն ավելի առաջադեմ տեխնիկա է, այն օգնում է տորթի դիզայներներին առանձնանալ ամբոխից: Ինչպես արվեստագետները, որոնք օգտագործում են հալած ապակի՝ ամաններ և քանդակներ ստեղծելու համար, շաքարավազով աշխատանքը ներառում է հալած շաքարով նուրբ ձևերի պատրաստումը:

6. Airbrushing

Airbrushing-ի համար օգտագործվում է օդամղիչ ատրճանակ, որը նման է գրաֆիտի նկարիչների կողմից օգտագործվող ատրճանակին: Այս տեխնիկան նման է ձեռքով նկարելուն, քանի որ այն թույլ է տալիս գույն ավելացնել տորթին՝ ձեր երեսապատումն ավարտելուց հետո: Եթե դուք ձգտում եք օմբրե էֆեկտի, ապա օդային վրձինն օգտագործելու տեխնիկան ամենահարմարն է:

7. Հայելային ջնարակ

Եթե մարցիպանն ու կարագի հիմքով ջնարակը հավասարազոր են փայլատ ներկին, ապա հայելային փայլը միանգամայն այլ է: Այս տեխնիկան ներառում է ժելատինի, շաքարավազի և այլ բաղադրիչների համադրում, որը լցնում են արդեն իսկ սառած տորթի վրա։

Ամեն ոլորտում մասնագետը պետք է տիրապետի իր աշխատանքին առնչվող ամենանուրբ գաղտնիքներին։ Շարունակեք հետևել Վանիլլայի բլոգին հրուշակագործության գաղտնիքները բացահայտելու համար, ինչպես նաև ընթերցեք «Աղանդեր տարբեր տեսակի թեյի համար» բլոգը։