Ավելին
Որքանո՞վ է օգտակար առանց գլյուտենի դիետան
Գլյուտենը սպիտակուցի տեսակ է, որը հանդիպում է հացա..
Ավելին
Ծննդյան օրը շատերի համար տարվա ամենասիրելի ու սպասված օրն է, որին պատրաստվում են շատ լրջորեն: Ծննդյան տորթը դարձել է ծննդյան տոնակատարությունների հիմնական բաղադրիչը ամբողջ աշխարհում: Վանիլլայի բլոգում այսօր կներկայացնենք 7 զվարճալի փաստ ծննդյան տորթի մասին:
1. Ծննդյան տորթի վրա օրական աշխարհում ծախսում են ավելի քան 1 մլրդ դոլար
Ողջ աշխարհում մարդիկ օրական ուտում են 50-100 միլիոն ծննդյան տորթ, որոնք, բնականաբար, լինում են տարբեր չափերի և գնի: Միջինացված հաշվարկները ցույց են տալիս, որ մեկ օրում աշխարհում վաճառվում է 1մլրդ դոլար արժողությամբ տորթեր:
2. Նախկինում տորթի մոմերը Լուսնի աստվածուհիների համար էին
Լեգենդը հիշեցնում է, որ տորթերի վրա մոմեր վառելու ավանդույթը սկսվել է Հին Հունաստանում, որտեղ Լուսնի աստվածուհու՝ Արտեմիսի համար պատրաստում էին տորթեր՝ Լուսնի տեսքով, իսկ վրայի մոմերը արտացոլում էին Լուսնի լույսը, իսկ մարելուց դրանց ծուխը նվիրյալի աղոթքները բարձրացնում էր Արտեմիսին: Այժմ մենք երազանք ենք պահում ծննդյան մոմերը փչելիս, իսկ ծուխը տանում է մեր ցանկությունները երկինք, որպեսզի կատարվեն:
3. Տորթի մոմերի քանակը ներկայացնում է ձեր կյանքի տարիները
Այս ավանդույթը եկել է Գերմանիայից, որտեղ այն համոզմունքն է, որ մարդու տարիքը խորհրդանշող թվով մոմերը ապագայում նրան երկար կյանք կբերեն: Այսինքն՝ եթե, օրինակ, դուք դառնում եք 24 տարեկան, ապա տորթի վրա պետք է լինի 24 հատ մոմ: Մեզ մոտ հաճախ խախտում են այս ավանդույթը և երկու թվանշաններով մոմ են դնում:
4. Ծննդյան օրվա ամենամեծ տորթերից մեկը կշռում էր գրեթե փղի չափ
Աշխարհի ամենամեծ ծննդյան տորթերից մեկը պատրաստվել է Լաս Վեգասի հարյուրամյակի կապակցությամբ: Տոնակատարության համար պատրաստեցին տորթ, որը կշռում էր 6,18 տոննա, որը գրեթե աֆրիկյան փղի քաշին է:
5. Ծննդյան օրվա մոմերի համաշխարհային ռեկորդը կազմում է ավելի քան 70,000
Շրի Չինմոյը Գինեսի համաշխարհային ռեկորդակիր է ծննդյան մոմերի թվով՝ վառելով ավելի քան 70000 մոմ: Ցավոք սրտի, մեծ քանակության պատճառով Շրի Չինմոյը չկարողացավ ինքնուրույն մարել դրանք՝ փոխարենը օգնեց կրակմարիչը: Այս դեպքում, մոմերի քանակը այնքան էլ չէր համընկնում նրա տարիքի հետ, քանի որ նա նշում էր իր 85-ամյակը:
6. Որոշ մարդիկ պատրաստ են ծննդյան տորթի համար վճարել մի քանի տասնյակ միլիոն
Աշխարհի ամենաթանկ տորթերից մեկը, որ երբևէ պատրաստվել է, արժե 75 միլիոն դոլար և վաճառվել է ԱՄԷ-ում գաղտնի գնորդին: Օգտագործվել են միայն էկզոտիկ բաղադրիչներ, իսկ տորթը պատկերել է նորաձև թռիչքուղի, որը պատված է եղել 4000 ադամանդով: Այս տորթը պատրաստելու համար պահանջվել է ավելի քան 1000 ժամ տքնաջան աշխատանք:
7. Ինչ վերաբերում է համին, ապա շոկոլադը առաջին տեղում է
Ըստ հետազոտության՝ տորթի համերից ամենահայտնի ընտրությունը շոկոլադն է։ Աշխարհի բնակչության մոտ 70 տոկոսը նախընտրում է շոկոլադե տորթեր: Հայաստանում ևս շոկոլադե տորթն ամենասիրվածն է:
Դե ինչ, այսքանն էինք պատրաստել այսօրվա համար, մնացեք Վանիիլլայի բլոգի հետ: Ցանկացած թեմատիկ տորթ ամենատարբեր առիթների համար կարող եք վստահել Վանիլլայի ամենահմուտ մասնագետներին, ովքեր կապահովեն թարմ, անմահական համեղ և բարձրորակ հումքով տորթեր, ձեր տոնն անմոռանալի դարձնելու համար: Հարսանեկան տորթի ընտրության հարցում կարևոր խորհուրդներ ընթերցեք մեր <<Ինչպե՞ս ընտրել հարսանեկան տորթ>> բլոգում:
