top
Հնարավո՞ր է ագար-ագարը փոխարինել ժելատինով

Հնարավո՞ր է ագար-ագարը փոխարինել ժելատինով

Հնարավո՞ր է ագար-ագարը փոխարինել ժելատինով. բաղադրատոմսեր փորձելիս շատերի մոտ առաջանում է այս հարցը: Այս երկու նյութերը միմյանց և՜ շատ նման են, և՜ տարբեր, թե որ պարագայում, ինչ հարաբերակցությամբ պետք է փոխարինել մեկը մյուսով, կիմանանք միասին Վանիլլայի բլոգում:

Ե՛վ ագար-ագարը, և՛ ժելատինը խտացուցիչ նյութեր են, որոնց նպաստում են, որպեսզի հեղուկ զանգվածը դառնա դոնդողանման: Չնայած այն հանգամանքին, որ նրանք նույն խնդիրն ունեն՝ դոնդող պատրաստել և խտացնել ուտեստները, դրանք տարբերվում են հատկություններով և պատրաստման եղանակով։ Ժելատինը կենդանական հումքից է ստացվում՝ խոշոր եղջերավոր անասունների աճառից և ջլերից: Այն պարունակում է կոլագեն և ամինաթթուներ, որոնք նպաստում են մարդու աճառի և հոդերի առողջությանը: Ագար-ագարը բուսական արտադրանք է, ստացվում է ջրիմուռներից: Հետեւաբար, այն հարուստ է հանքանյութերով եւ յոդով։

Մեկ ապրանքը կարող է փոխարինվել մյուսով, բայց ոչ միշտ։ Եվ գլխավորը հիշելն այն է, որ ցանկացած փոխարինման դեպքում մենք ստանում ենք սկզբունքորեն այլ արդյունք: Կարող է ավելի լավ լինել, ավելի վատ, կամ առաջին հայացքից տարբերություն չլինի, բայց, այնուամենայնիվ, չլինի ակնկալվող արդյունքը։ Պարզապես ընդունեք այս փաստը և փորձարկեք:

Ե՞րբ չի կարելի ագար-ագարը փոխարինել ժելատինով:

1. Երբ ճաշատեսակներ ենք պատրաստում կիվիից, արքայախնձորից և պապայայից։ Նրանց ֆերմենտները քայքայում են ժելատինը:

2. Երբ պատրաստում ենք թեթև, նուրբ համով աղանդեր (մարշմելոու, թռչնի կաթ)։ Ժելատինն ունի յուրահատուկ համ, որը նկատելի է հրուշակեղենի մեջ։

3. Ժելե կոնֆետներ, մարմելադ կամ խիտ գելային կառուցվածքով այլ քաղցրավենիք պատրաստելիս:

4. Երբ պատրաստի արտադրանքը հնարավոր չէ պահել կամ տեղափոխել ցածր ջերմաստիճանի պայմաններում: Առանց սառնարանի ժելատինը պարզապես հալչում է:

5. Երբ պատրաստում ենք ուտեստ բուսակերների համար:

Փոխարինման գործակիցները և համամասնությունները

Ամեն ինչ կախված է խտացնող նյութի ուժից: Եվ եթե ագար-ագարի ուժը սովորաբար միշտ նշվում է արտադրողի կողմից, ապա ժելատինի հետ ամեն ինչ շատ ավելի բարդ է: Ժելատին արտադրողները շատ հազվադեպ են մեզ նման տվյալներ տալիս: Հետևաբար, խորհուրդ է տրվում առաջնորդվել ստորև բերված նորմերով, բայց միշտ ստուգել արդյունքը արտադրանքի փորձնական խմբաքանակի վրա.

1 գ ագար-ագար 600՝ 3գ ժելատին

1 գ ագար-ագար 700՝ 3,5գ ժելատին

1 գ ագար-ագար 800՝ 4գ ժելատին

1 գ ագար-ագար 900՝ 5գ ժելատին

1 գ ագար-ագար 100՝ 6գ ժելատին.

1 գ ագար-ագար 1200՝ 7գ ժելատին

Ի՞նչ պետք է իմանաք ժելատինը ագար-ագարով փոխարինելու համար:

1. Ագար-ագարը լուծվում է 95-100 աստիճան ջերմաստիճանում։ Հետևաբար, այն չի կարող օգտագործվել այնպիսի բաղադրիչների հետ, որոնք չեն կարող եփվել՝ մածուն, կեֆիր, թթվասեր:

2. Շատ մրգային թթուներ պարունակող ուտեստներում (մրգեր, հատապտուղներ, հյութեր և այլն) անհրաժեշտ է ավելացնել 1,5-2 անգամ ավելի շատ ագար-ագար, քանի որ այս թթուների հետ արձագանքելիս այն մասամբ քայքայվում է:

3. Ագար-ագարը պահանջում է շատ շաքարավազ: Այսինքն՝ ժելատինը ագարով փոխարինելիս պետք է մի քիչ ավել շաքարավազ ավելացնել, որպեսզի պատրաստի ուտեստի քաղցրությունը նորմալ լինի։

Տիրապետելով հրուշակեղենի պատրաստման ամենանուրբ գաղտնիքներին՝ ձեր տոնական սեղանները կզարդարեք ամենահամեղ քաղցրավենիքով և տորթերով, դրանով իսկ էլ ավելի կերջանկացնեք ձեր հարազատներին: Մնացե՜ք Վանիլլայի բլոգի հետ, նորանոր գաղտնիքներ բացահայտելու համար: Ամենանրբահամ ֆրանսիական դեսերտին ծանոթացեք «Ֆրանսիական մակարոնի մասին» բլոգում:

Ավելին

Ավելին
Ավելին
Հետաքրքիր փաստեր տորթերի մասին

Հետաքրքիր փաստեր տորթերի մասին

Ամեն տոնի և առիթի անբաժանելի և ամենասպասված մասը տ..

Ավելին
Հրաշալի պատահականություն. կարամելի պատմությունը

Հրաշալի պատահականություն. կարամելի պատմությունը

Դժվար է պատկերացնել, որ տաս դար առաջ մարդկանց հասա..

Ավելին
Կարամելի տեսակները

Կարամելի տեսակները

Տորթերի ամենասիրված հավելումներից մեկը կարամելն է,..

Ավելին