Շոկոլադի մահացու չափաբաժին

Բոլորս էլ գիտենք, որ ամեն ինչ պետք է չափավոր լինի, հատկապես, երբ խոսքը վերաբերում է սննդին։ Իհարկե, քաղցրավենիքից դեռ ոչ ոք չի մահացել, բայց քաղցրավենիքի անընդհատ և չափից շատ օգտագործումը կարող է լուրջ ազդեցություն ունենալ առողջության վրա։ Բայց ի՞նչ կլինի, եթե մի քանի կիլոգրամ շոկոլադ ուտեք միանգամից, եկեք պարզենք Վանիլլայի բլոգում:

Գրեթե անհնար է, որ մարդը մահանա շոկոլադի մեծ չափաբաժնից: Նյու Յորքի համալսարանի պրոֆեսոր Ռիդ Քալդվելն ասում է, որ իսկապես կա շոկոլադի մահացու չափաբաժին, բայց եթե ​​մարդը փորձի այդքան շատ քաղցրավենիք ուտել, ապա ավելի հավանական է, որ նա ավելի շուտ կհայտնվի շտապ օգնության սենյակում ծանր մարսողության խանգարմամբ՝ առանց մահացու չափաբաժնի հասնելու:

Ի՞նչն է շոկոլադը թունավոր դարձնում: Կակաոյի հատիկները պարունակում են մի նյութ, որը կոչվում է թեոբրոմին՝ բուսական ալկալոիդ: Գրեթե բոլոր ալկալոիդները թունավոր են, բայց դրանք փոքր քանակությամբ օգտագործվում են ինչպես բժշկության, այնպես էլ խոհարարության մեջ։ Այնուամենայնիվ, մեծ քանակությամբ նյութը կարող է վտանգավոր լինել: Թեոբրոմինի հատկությունների և նրա միզամուղ ազդեցության համադրությունը հանգեցնում է սրտի հաճախության բարձրացման, ախորժակի կորստի, քրտնարտադրության, դողերի և ուժեղ գլխացավի։ Եթե ​​ալկալոիդի չափաբաժինը պարզապես հսկայական է, ապա նյութի ազդեցությունը սրտանոթային համակարգի վրա կարող է մահացու լինել։ Սակայն գիտնականները նշում են, որ շոկոլադի մեջ թեոբրոմինի քիչ քանակության պատճառով ձեր ստամոքսը նույնիսկ կես ճանապարհին չի դիմանա ծանրաբեռնվածությանը և կսկսի խոչընդոտել հետագա առաջընթացին։

Եվ ո՞րն է մահացու չափաբաժինը: Մարդկանց համար թեոբրոմինը թունավոր է համարվում 1000 միլիգրամ նյութի կոնցենտրացիայի դեպքում մեկ կիլոգրամ մարմնի քաշի համար: Օրինակ՝ 80 կիլոգրամ քաշ ունեցող մարդը պետք է ուտի 80000 միլիգրամ թեոբրոմին՝ թունավորվելու համար: Կաթնային շոկոլադը պարունակում է մոտավորապես 2,4 միլիգրամ թույն մեկ գրամում, իսկ դառը շոկոլադը՝ 5,5: «Քաղցր մահով մեռնելու» համար անհրաժեշտ է 40 կիլոգրամ կաթնային շոկոլադ: Այս ցուցանիշը շատ քիչ է թվում, բայց համեմատության համար նշենք, որ ստանդարտ շոկոլադե սալիկն ընդամենը 95 գրամ է կշռում: Գիտնականները նշում են, որ պատմության մեջ շոկոլադից մահվան ոչ մի դեպք դեռ չի գրանցվել։

Այնուամենայնիվ, դա հաճախ է պատահում շների հետ: Կենդանիները շատ դանդաղ են նյութափոխանակում թեոբրոմինը: Շների համար միջին մահացու չափաբաժինը կազմում է 300 միլիգրամ նյութ մեկ կիլոգրամի համար: Հետևաբար, եթե ձեր ընտանի կենդանուն (ոչ միայն շունը) շոկոլադե սալիկ կամ քաղցրավենիք է կերել, այն պետք է շտապ տեղափոխել ստամոքսի լվացման, հակառակ դեպքում նա կարող է սատկել:

Մարդը նույնպես չպետք է չարաշահի շոկոլադը։ Ժամանակակից սալիկներն ու բատոնները պարունակում են շատ սինթետիկ նյութեր, ինչպես նաև շաքար, ինչը բացասաբար է ազդում մեր առողջության վրա։ Եղեք առողջ, ընտրեք միշտ որակյալը և շարունակեք հետևել Վանիլլայի բլոգին։ Առողջ քաղցրավենիք նախընտրողներին խորհուրդ ենք տալիս ընթերցել «Ավոկադոյով առանց շաքար տորթ «Մոխիտո»» բլոգը։